ایران : چابہار میں مغربی ایشیا کے سب سے بڑا خلائی مرکز کی تعمیر

تہران : ایرانی وزیر مواصلات اور انفارمیشن ٹیکنالوجی عیسیٰ زارع پور نے کہا کہ ایران اپنے جنوب مشرقی بندرگاہی شہر چابہار میں مغربی ایشیا کا سب سے بڑا خلائی مرکز تعمیر کر رہا ہے۔ عیسیٰ زارع پور نے صوبہ سیستان و بلوچستان کے دورے کے دوران کہا کہ خلائی مرکز کا پہلا مرحلہ 56 فیصد مکمل ہو چکا ہے جو فروری 2025 کے اوائل میں فعال ہو جائے گا۔ انہوں نے موجودہ نئے خلائی اڈے کے لانچنگ منصوبوں کی بھی نقاب کشائی کی۔ جو 20 مارچ 2025 کو مکمل ہوجائیں گے۔ ایرانی سیٹلائٹ لانچوں کے لئے تیار کردہ خلائی سہولت ملک کے بین الاقوامی شراکت داروں کے ساتھ تعاون کے فروغ کے ساتھ ساتھ آمدنی میں اضافے کا بھی باعث بنے گا۔