سوشل میڈیا پر نفرت پھیلانے والوں کیخلاف کارروائیاں تیز

فرقہ واریت اور انتہا پسندی پھیلانے کے نتائج خطرناک ہوں گے،ایم ڈی سیف سٹی
لاہور (نیوز ڈیسک)ایم ڈی سیف سٹی اتھارٹی راو سردار علی خان کا کہنا تھا کہ سوشل میڈیا پر فرقہ واریت اور انتہا پسندی پھیلانے کی کوششیں تیز ہو چکی ہیں، جن کے نتائج خطرناک ہوں گے ، سوشل میڈیا پر فرقہ واریت پھیلانے، ایک دوسرے کے مقدسات کی توہین کرنے اور انتہا پسندی کو فروغ دینے والوں کیخلاف کارروائیاں تیز کی جائیں گی، انہوں نے کہا کہ پولیس کی تمام ڈویڑنز کو کرائم ہیٹ میپ استعمال کرنے کی ہدایات دی جائیں ، لاہور پولیس کی مدد سے محرم الحرام کے مرکزی جلوس کے روٹس پر لگے سیف سٹی کیمروں کی ڈائریکشن کیلئے سروے کا بھی فیصلہ کیا گیا، انہوں نے کہا کہ ون ویلنگ اور پتنگ بازی کیخلاف ڈیجیٹل مانیٹرنگ کے عمل کو بھی تیز کرنے کی ہدایات جاری کی گئی ہیں۔