جارحیت جاری رہی تو زیادہ مہلک حملے کریں گے، حزب اللہ

بیروت : حزب اللہ نے لبنان پر حملے جاری رہنے پر مزید حملوں کا انتباہ کیا ہے۔ حزب اللہ نے کہا ہے کہ اگر دشمن نے حملے جاری رکھے تو اس نے جنوبی حیفہ میں جو کچھ دیکھا وہ اس کے مقابلے میں کچھ نہیں ہے جو آگے اس کا منتظر ہے۔ حزب اللہ نے کہا کہ اس نے اسرائیلی دفاعی نظام کو مصروف رکھنے کے لیے حیفہ کے شمال میں نہاریہ اور ایکر کی جانب درجنوں میزائل داغے۔ بیان کے مطابق گروپ نے بیک وقت مختلف ڈرونز کے اسکواڈرن جن میں سے کچھ کو پہلی بار استعمال کیا جا رہا تھا، ایکر اور حیفہ کے مختلف علاقوں کی جانب لانچ کیا جہاں وہ اسرائیلی فضائی دفاعی ریڈاروں سے گزرنے میں کامیاب ہو گئے اور حیفہ کے جنوب میں واقع بنیامینہ کے تربیتی کیمپ کو نشانہ بنایا۔ بیان میں بتایا گیا کہ یہ ڈرونز اُن کمروں میں پھٹ گئے جہاں اسرائیلی دشمن کے درجنوں افسر اور سپاہی موجود تھے۔