Raza Musani 
صنعا: یمن سے حوثیوں نے جارحیت کے جواب میں سعودی عرب اور عرب امارات پر بیلسٹک میزائل داغ دئے۔ سعودی عرب کے شہر جازان میں بیلسٹک میزائل سے عسکری اہداف کو نشانہ بنایا گیا۔ میزائل گاڑیوں کی ورکشاپس پر گرا، جس کے باعث متعدد ورکشاپس کو نقصان پہنچا ہے، میزائل حملے میں متعدد لوگوں کے ساتھ دو غیر ملکیوں کے زخمی ہونے کی اطلاعات ہیں۔ عرب اتحاد نے دعویٰ کیا کہ ائر ڈیفنس سسٹم نے سعودی عرب کے جنوبی علاقے ظھران پر داغا گیابیلسٹک میزائل ہدف تک پہنچنے سے پہلے تباہ کر دیا۔ میزائل کے ٹکڑے ظھران شہر کے جنوب میں واقع انڈسٹریل زون میں گرے۔ ادھر متحدہ عرب امارات کی وزارت دفاع نے دعویٰ کیا ہے کہ اس نے دو میزائلوں کو تباہ کر دیا ہے جو یمن سے داغے گئے تھے۔ ابوظہبی میں تباہ کیے گئے میزائل کے ٹکڑے گرنے سے کسی کے زخمی ہونے کی اطلاع نہیں۔
