Raza Musani 
بیروت : حزب اللہ نے راکٹ مار کر اسرائیلی ڈرون فضا میں ہی تباہ کردیا۔ جس کے بعد اسرائیلی فوج نے لبنان میں حزب اللہ کے ٹھکانوں پر شدید حملے کئے ہیں۔ اسرائیلی فوج نے شمالی لبنان کے علاقے بعلبیک میں حزب اللہ کے لاجسٹک کمک یونٹ کو نشانہ بنایا ہے۔ جبکہ حزب اللہ کے زیر استعمال دو عمارتوں پر بھی حملہ کیا گیا۔ اسرائیل کے مطابق یہ حملے ڈرون کو مار گرائے جانے کے جواب میں کیے گئے۔
ادھر شام کی سرحد کے قریب شمالی لبنان کے ضلع ہرمل میں ٹینکروں کے قافلے پر بھی میزائل داغے گئے۔ حملے میں حزب اللہ کے تین ارکان سمیت پانچ افراد شہید ہوگئے، تین زخمی ہوئے۔ اسرائیلی فوج نے مشتبہ فضائی ہدف کو مار گرانے کا دعویٰ بھی کیا ہے۔
