حزب اللہ کو اسرائیل سے جنگ کا کوئی خوف نہیں، حسن نصر اللہ

بیروت : حزب اللّٰہ کے سربراہ سید حسن نصر اللّٰہ نے کہا ہے کہ تحریک مقاومت کو اسرائیل سے جنگ کا کوئی خوف نہیں ہے۔ اگر اسرائیل لبنان پر جنگ مسلط کرنے کی حماقت کرنا چاہتا ہے تو ہم مقابلے کے لیے تیار ہیں۔ حزب اللہ کے کمانڈر نیمہ ناصر کی شہادت پر تعزیتی تقریب سے خطاب میں حسن نصراللہ نے کہا کہ اسرائیل کے اندر تیس کلومٹر تک گہرائی میں کارروائیاں ثبوت ہے کہ مزاحمت جنگ سے خوفزدہ نہیں ہے۔ اگر دشمن جنوب میں حملہ کرتا ہے تو ہم اپنا دفاع کریں گے اور کسی جارحیت کو برداشت نہیں کریں گے۔ حسن نصراللہ نے اسرائیلی افواج کے ساتھ مصروفیت کو اجاگر کیا۔ جس نے غزہ پر حکومت کی توجہ کو روکا ہے۔ مزاحمت کار غزہ جنگ پر دشمن کے ارتکاز میں خلل ڈالنے میں کامیاب ہو گئے ہیں۔ جنوبی لبنان سے اسرائیل کے خلاف کارروائیاں غزہ پٹی کی صورتحال سے منسلک ہیں۔ جنوبی لبنان سے حملوں کی روک تھام غزہ پٹی میں جنگ بندی سے مشروط ہے. حسن نصراللہ نے مزید کہا کہ اسرائیلی فورسز غزہ پٹی میں مقاصد حاصل کرنے میں بری طرح ناکام رہی ہیں۔