حزب اللہ کا اسرائیلی فوجی اڈے پر ڈرون حملہ، 4 ہلاک، 60 سے زائد زخمی

بیروت: حزب اللہ کے حیفا میں فوجی اڈے پر ڈرون حملے میں چار صیہونی فوج ہلاک اور 60 سے زائد زخمی ہوگئے۔
میڈیا رپورٹس کے مطابق دو ڈرونز کے ذریعے حملہ کیا گیا۔ ایک ڈرون روک لیا گیا جبکہ دوسرے ڈرون نے حیفا میں اسرائیلی فوجی اڈے میں تباہی مچادی۔ اسرائیل نے تصدیق کی ہے کہ حزب اللہ کے ڈرون نے تل ابیب کے شمال میں واقعہ علاقے بنیامینہ سے متصل فوجی اڈے کو نشانہ بنایا۔ حزب اللہ نے دو ڈرون لانچ کیے جو سمندر کے راستے اسرائیلی فضائی حدود میں داخل ہوئے۔ یہ حملہ اسرائیل کے فوجی اڈّے پر ہونے والا سب سے تباہ کن حملہ سمجھا جا رہا ہے۔ اسرائیلی ذرائع کے مطابق حزب اللہ نے روسی ساختہ جدید ڈرون استعمال کیا جو تین چھوٹے مگر انتہائی خطرناک میزائل اٹھانے کی صلاحیت رکھتا ہے۔ لبنان کی وزارت صحت کے مطابق حزب اللہ نے یہ حملہ لبنان میں اسرائیلی حملوں کے جواب میں کیا.