Raza Musani 
گلگت (نیٹ نیوز) چیف کورٹ گلگت بلتستان کے چیف جج ملک حق نواز نے ماتحت عدالتوں کے 10 ججز کے تبادلے کر دیئے۔ رجسٹرار چیف کورٹ کی جانب سے جاری نوٹیفکیشن کے مطابق ڈسٹرکٹ اینڈ سیشن جج گلگت مشتاق محمد کو ڈسٹرکٹ اینڈ سیشن ہنزہ، ڈسٹرکٹ اینڈ سیشن جج ہنزہ خورشید احمد کو ڈسٹرکٹ اینڈ سیشن جج گلگت، سینئر سول جج گلگت محمد شریف کو سینیر سول جج اسکردو، راحت علی چنگیزی سینئر سول جج اسکردو کو سینئر سول جج استور، امیر حمزہ سنیئر سول جج چلاس سے سنیئر سول جج گلگت، حجیب اللہ سنیئر سول جج استور کو سینئر سول جج چلاس جبکہ بشری الرحمن سول جج گلگت 2 کو سول جج/جوڈیشل مجسٹریٹ سکردو، دلشاد علی حیدری سول جج سکردو کو سول جج/جوڈیشل مجسٹریٹ کھرمنگ، نازش مریم سول جج روند کیمپ سکردو کو سول جج شگر اور فرہانہ نسرین سول جج شگر کو سول جج روند کیمپ سکردو لگا دیا گیا۔ دوسری جانب چیف جج کی منظوری سے گلگت بلتستان کی ماتحت عدالتوں کے گریڈ 18 کے 6 سٹاف آفسران کا بھی بین الاضلاعی تبادلہ کر دیا گیا ہے۔
