Raza Musani 
غزہ : اسرائیل کے غزہ پر وحشیانہ حملے جاری ہیں۔ چوبیس گھنٹوں میں تینتالیس فلسطینی شہید اور درجنوں زخمی ہوگئے۔ صیہونی فوج نے رفح، خان یونس، شجاعیہ، دیرالبلاح ودیگر علاقوں پر بمباری اور گولہ باری کی جبکہ انخلا کیلئے محفوظ قرار دیئے گئے علاقوں المواسی اور دیرالبلاح پر بھی حملے کئے۔ خان یونس میں بھی کئی رہائشی عمارتوں کو نشانہ بنایا گیا۔ حملے میں ایک گھر کے نو افراد سمیت بارہ فلسطینی شہید ہوگئے۔ صیہونی فوج کے حکم کے بعد شمالی خان یونس سے بڑے پیمانے پر نقل مکانی جاری ہے۔ ڈھائی لاکھ سے زائد فلسطینیوں کو جبری بیدخلی کا سامنا ہے۔
