پاکستانی تعلیمی اداروں میں امریکی مداخلت میں مزید اضافہ

وہاڑی ایجوکیشن یونیورسٹی میں لنکن چیئر قائم، مقصد بہترین اذہان تلاش کرنا ہے
وہاڑی (نیوز ڈیسک) امریکاکی پاکستان کے تعلیمی اداروں میں مداخلت میں مزید اضافہ ہو گیا ہے ، امریکا نے پنجاب کے پسماندہ علاقے وہاڑی میں ایجوکیشن یونیورسٹی کے کیمپس میں ”لنکن چیئر“ قائم کر دی ہے، امریکی قونصل جنرل کیتھرین راڈریگز اور وائس چانسلر یونیورسٹی آف ایجوکیشن لاہور پروفیسر ڈاکٹر طلعت نصیر پاشا نے شراکت کے معاہدے پر دستخط کیے،قونصل جنرل نے کہا کہ لنکن کارنر اس علاقے کی آبادی سے رابطے کا ذریعہ ہوگا اور امریکا اور اس علاقے کے عوام کے مابین بات چیت کا پلیٹ فارم بن سکے گا، یونیورسٹی اور ہائی اسکولوں کے طلبہ اور علاقے کے شہری لنکن کارنر کے ذریعے تبادلہ خیال کر سکیں گے اور دنیا بھر میں ہونیوالے پروگراموں میں شرکت کر سکیں گے۔ انہوں نے کہا کہ ہم یونیورسٹی آف ایجوکیشن سے اس شراکت داری میں اضافے کی توقع رکھتے ہیں، وہاڑی میں لنکن کارنر کے افتتاح کے بعد پاکستان میں لنکن کارنرز کی تعداد 18 ہو گئی ،ان کا مقصد بہترین پاکستانی اذہان کو تلاش کرنا اور امریکا بھجوانا ہے۔