Raza Musani 
تہران : سپاہ پاسداران انقلاب اسلامی کے اعلیٰ کمانڈر شہید جنرل عباس نیلفروشان کے جلوس جنازہ میں ہزاروں سوگواروں نے شرکت کی ۔ صدر مملکت مسعود پزشکیان، ایرانی پارلیمنٹ کے اسپیکر محمد باقر قالیباف، عدلیہ کے سربراہ، قدس فورس کے کمانڈر جنرل اسماعیل قاآنی، اعلیٰ سول اور عسکری حکام بھی شرکا میں شامل تھے۔ شرکا نے اس موقع پر حیدر حیدر اور اسرائیل مردہ باد کے فلک شگاف نعرے لگائے۔
شہید جنرل عباس نیلفروشان کا جسد خاکی عراق کے مقدس شہروں کربلائے معلیٰ اور نجف اشرف میں تشییع کے بعد ایران پہنچا۔ تہران کے مہر آباد ائیرپورٹ پر سپاہ پاسداران انقلاب اسلامی کے کمانڈروں اور دیگر اعلیٰ سول اور عسکری حکام نے میت کا استقبال کیا۔ صبح سویرے لوگوں کی آمد کی وجہ سے تہران کی امام حسین اسکوائر کے اطراف کی سڑکیں لوگوں سے کھچا کھچ بھر گئیں۔
