Raza Musani 
فرینکفرٹ : جرمنی کے شہر فرینکفرٹ میں افغان شہریوں نے پاکستانی قونصل خانے کے سامنے احتجاج کیا۔ مشتعل مظاہرین نے قونصل خانے پر پتھر پھینکے۔ سوشل میڈیا پر وائرل ویڈیو میں دیکھا جاسکتا ہے کہ افغان شہریوں نے افغان پرچم اٹھا رکھے تھے۔ آٹھ سے دس مظاہرین قونصل خانے میں گھس گئے اور پاکستانی پرچم اپنے ساتھ باہر لے آئے۔ مظاہرین نے پرچم کو جلانے کی بھی کوشش کی۔ پولیس کی مزید نفری طلب کرکے حالات کو کنٹرول کیا گیا واقعے میں ملوث دو افغانوں کو حراست میں لے لیا گیا ہے۔ پولیس ویڈیو شواہد کی مدد سے مظاہرین کی شناخت کر رہی ہے جس کے بعد مزید گرفتایوں کا امکان ہے۔ پاکستانی سفارتی حکام نے معاملہ جرمن حکام کے ساتھ اٹھایا ہے جس پر جرمن حکام کی جانب سے پوری تحقیقات کی یقین دہانی کرائی گئی ہے۔
