امریکی مراسلہ عام کرنے سے پہلے امریکا سے اجازت لینا ہوگی، وفاقی وزیر احسن اقبال

اسلام آباد : وزیر منصوبہ بندی احسن اقبال نے امریکی مراسلے کو حقیقت قرار دیتے ہوئے اسے عوام کے سامنے لانے سے انکار کردیا ایک انٹرویو میں احسن اقبال نے کہا کہ مراسلہ میں امریکی سفارتکار کی گفتگو بھی شامل ہے اسے عام کرنے سے پہلے امریکا سے اجازت لینا ہوگی، ان کاکہنا تھاکہ پی ٹی آئی اور شاہ محمود قریشی بوکھلائے ہوئے ہیں، عمران خان قومی سلامتی اور خارجہ معاملات کو اپنی سیاست کی بھینٹ چڑھارہے ہیں. انہوں نے غلامانہ سوچ کامظاہرہ کرتے ہوئے کہا کہ عمران خان اس بات کو یقینی بنارہے ہیں کہ امریکا میں پاکستان کا کوئی نام لینے والا نہ بچے، وہ چاہتے ہیں کہ امریکا میں ہماری مارکیٹ ختم ہوجائے اور وہاں کی یونیورسٹیوں میں پڑھنے کیلئے ہمارے طلباء کو بھی ویزے نہ ملیں،عمران خان کا مقصد کیا ہے کیا وہ پاکستان کو کیوبا یا نارتھ کوریا بنانا چاہتے ہیں.