پاکستان، ہندوستان، ایران سمیت کئی ممالک میں عیدالاضحیٰ منائی جارہی ہے

کراچی: پاکستان۔ ہندوستان- افغانستان اور ایران سمیت کئی ممالک میں عیدالاضحیٰ آج مذہبی جوش وجذبے سے منائی جارہی ہے۔ ہندوستان اور پاکستان میں نماز عید کے بڑے بڑے اجتماعات ہوئے۔ جہاں ہزاروں افراد نے عید کی نماز ادا کی اور امت مسلمہ کیلئے خصوصی دعائیں مانگیں۔ نماز کے بعد لوگوں نے ایک دوسرے سے گلے مل کر عید کی مبارکباد دی۔ پاکستان میں لوگوں نے نماز کے بعد کہیں اونٹ تو کہیں بیل اور کہیں بکرے ذبح کئے ۔ کہیں اجتماعی قربانیاں کی گئیں۔ گذشتہ روز سعودی عرب سمیت عرب ممالک، امریکا، کینیڈا، یورپ، آسٹریلیا اور ترکیہ میں بھی مسلمانوں نے عیدالاضحٰی منائی اور قربانی کا فریضہ انجام دیا گیا۔ صیہونی رکاوٹوں کے باجود مسجد الاقصیٰ میں ایک لاکھ کے قریب مسلمانوں نے عید الاضحیٰ کی نماز ادا کی۔ ادھر حجاج کرام نے حج کے اہم مناسک رمی جمرات کا عمل بھی مکمل کرلیا۔