Raza Musani 
بیروت : حزب اللہ اور اسرائیلی فوج کے درمیان لڑائی شدت اختیار کرگئی۔ جنوبی لبنان کے شہر طائر میں اسرائیلی ڈرون نے سڑک پر چلتی کار کو نشانہ بنادیا۔ میزائل حملے میں حماس کا مقامی رہنما ہادی مصطفیٰ شہید اور تین کارکن زخمی ہوگئے۔
حزب اللہ نے اسرائیلی میرون ائر بیس پر 50 راکٹ داغ دئے۔ جس سے صیہونی فوج کو بھاری نقصان پہنچاہے۔ اسرائیلی فوج نے کہا کہ جنگی طیاروں نے بعلبک میں حزب اللہ کے دو کمان ہیڈکوارٹرز پر حملہ کیا جہاں ہتھیار تیار کرنے کے آلات رکھے گئے تھے۔ حملے میں حزب اللہ کے دو جوان شہید ہوئے۔
اُدھر لبنانی وزارت خارجہ بعلبک شہر اور آس پاس کے دیہات میں اسرائیلی حملوں کیخلاف اقوام متحدہ کی سلامتی کونسل میں شکایت پیش کرے گی۔
