Raza Musani 
بغداد: سعودی عرب اور عراق نے طویل عرصے بعد دفاعی اور سیکیورٹی تعاون کا معاہدہ کرلیا۔ سعودی وزیر داخلہ شہزادہ عبدالعزیز بن سعود نے دورہ بغداد میں عراقی ہم منصب عبدالامیر الشمری کے ساتھ سیکیورٹی پروٹوکول پر دستخط کیے۔ یہ 1983ء کے بعد اپنی نوعیت کا پہلا موقع ہے جب دونوں ملکوں نے ایک سیکیورٹی تعاون کی یاداشت پر دستخط کیے ہیں۔ یادداشت میں سیکیورٹی تعاون کی مختلف شکلیں، وژن کا تبادلہ اور عراق اور سعودی عرب کے لیے مزید سیکیورٹی تعاون کو یقینی بنانے کے لیے مشترکہ سیکیورٹی کام کو فعال کرنا شامل ہے۔ سعودی وزیر داخلہ نے اس بات پر زور دیا کہ بغداد حکام کے ساتھ ان کی ملاقات میں سلامتی سے متعلق تمام شعبوں میں دوطرفہ تعاون کو مضبوط بنانے اور دونوں ممالک کی وزارت داخلہ کے درمیان مشترکہ ورکنگ کے تسلسل کو آگے بڑھانے پر تبادلہ خیال ہوا ہے۔ سعودی وزیر داخلہ نے عراقی وزیرداخلہ سے ملاقات میں سیکیورٹی تعاون بڑھانے کے طریقوں پر تبادلہ خیال کیا۔
