Raza Musani 
لاہور :پنجاب پولیس نےصوبے میں اقلیتوں کے تحفظ کیلئے خصوصی فورس بنانےکا فیصلہ کیا ہے۔ آئی جی پولیس راو سردار علی خان اور دیگر قانون نافذ کرنیوالے اداروں نے ورکنگ شروع کر دی ہے۔ مینارٹی فورس چائینز باشندوں کی سیکیورٹی پر تعینات فورس کی طرح کام کریگی۔ پولیس ذرائع کا مزید کہنا تھا کہ مینارٹی فورس اقلیتوں کے تحفظ کیلئے کام کرے گی، چند ماہ میں مینارٹی سیکیورٹی فورس پر ورکنگ مکمل کر لی جائیگی۔ جس کے بعد فورس باقاعدہ فعال کر دی جائے گی۔ اس فورس کیلئے نئی بھرتی کیساتھ ساتھ پہلے سے موجود پولیس فورس سے بھی اہلکاروں کو منتخب کیا جائے گا۔ یہ فورس اقلتیوں کی عبادت گاہوں اور ان کے آبادیوں میں سیکیورٹی فرائض سرانجام دے گی اور وہاں اس فورس کی خصوصی چوکیاں قائم کی جائیں گی۔
