شہید حسینی ؒکی 32ویں برسی روایتی طریقہ سے منانے کا فیصلہ

نادیدہ طاقتیں ایک بار پھر فرقہ واریت پھیلانے کے درپے ہیں،مجلس وحدت مسلمین
اسلام آباد(نیوزڈیسک) مجلس وحدت مسلمین پاکستان کی مرکزی کابینہ کا اجلاس مرکزی سیکریٹری جنرل علامہ راجہ ناصر عباس جعفری کی زیرِصدارت ہو۔ا جس میں ملک کی موجودہ صورتحال اور پارٹی امور پر تفصیلی مشاورت کی گئی،اجلاس میں فیصلہ کیا گیا کہ 5اگست کو اسلام آباد سمیت ملک بھر میں شہید قائد عارف حسین الحسینی ؒکی 32ویں برسی روایتی عقیدت و احترام کے ساتھ منائی جائے گی ،اجلاس میں اس امر پر تشویش کا اظہار بھی کیا گیا کہ کچھ”نادیدہ طاقتیں” ملک میں ایک بار پھر مذہب و مسلک کی آڑ میں فرقہ واریت پھیلانے کے درپے ہیں۔اگر تکفیری گروہوں کو پنپنے دیا گیا تو شدت پسندی کے خلاف جیتی ہوئی جنگ شکست میں بدل سکتی ہے۔