Raza Musani 
مناما: محرم الحرام کی آمد کیساتھ ہی بحرین میں شیعہ شہریوں کے خلاف سیکیورٹی اداروں نے کریک ڈاؤن تیز کردیا اور پاسدارانِ انقلابِ ایران سے مبینہ تعلق رکھنے کے الزام میں مزید پندرہ افراد کو گرفتار کر لیا۔ بحرینی وزارتِ داخلہ کا کہنا ہے کہ تازہ گرفتاریاں پاسدارانِ انقلابِ ایران سے مبینہ روابط رکھنے والے ایک سیل کے خلاف کارروائی کا حصہ ہیں۔ گزشتہ ماہ بحرین کی ایک عدالت نے نو افراد کو پاسدارانِ انقلابِ ایران کے ساتھ مل کر مبینہ طور پر دشمنانہ اور دہشت گردانہ سرگرمیوں میں ملوث ہونے پر عمر قید کی سزا سنائی تھی۔ اپریل میں بھی انہتر افراد کی شہریت ایرانی حملوں کی مبینہ حمایت کے الزام میں منسوخ کر دی گئی تھی۔
