Raza Musani 
واشنگٹن: امریکی اخبار وال اسٹریٹ جرنل کی رپورٹ کے مطابق امریکا اور قطر ایران کے منجمد فنڈز میں سے اربوں ڈالر انسانی ہمدردی کے منصوبوں کے لیے جاری کرنے کے منصوبے پر کام کر رہے ہیں۔ وال اسٹریٹ جرنل نے باخبر ذرائع کے حوالے سے رپورٹ کیا ہے کہ امریکا اور قطر ایران کے منجمد فنڈز کے اجراء کے لیے ایک نئے منصوبے پر غور کر رہے ہیں۔ رپورٹ کے مطابق اس منصوبے کے تحت ایران کو ابتدائی طور پر قطر میں موجود چھ ارب ڈالر تک محدود رسائی حاصل ہو سکتی ہے۔چیہ رقم بنیادی طور پر ایرانی تیل کی فروخت سے حاصل ہونے والی آمدنی ہے جو پابندیوں کے باعث منجمد کر دی گئی تھی۔ ذرائع کا کہنا ہے کہ منصوبے کے تحت ایران کا مرکزی بینک ان فنڈز کو خوراک، ادویات اور دیگر انسانی ہمدردی کی اشیا کی خریداری کے لیے استعمال کر سکے گا۔رپورٹ میں بتایا گیا ہے کہ رقوم کی منتقلی اور استعمال بین الاقوامی نگرانی کے تحت کیا جائے گا۔ رپورٹ کے مطابق تہران نے بھی تاحال اس مجوزہ انتظام پر باقاعدہ اتفاق نہیں کیا ہے، جبکہ اس حوالے سے مزید مذاکرات متوقع ہیں۔
