Raza Musani 
وارسا: ہولوکاسٹ قانون کو احمقانہ قراردینا پولینڈ کے سفارتکار کو مہنگا پڑگیا اور انہیں نوکری سے ہاتھ دھوناپڑا پولینڈ کی وزارت خارجہ کے مطابق ہولوکاسٹ کیخلاف بیان سے متعلق قانون کی توہین پر سفارتکار جیروسلو نوویک کو ملازمت سے برطرف کردیا گیا ہے۔برطانیہ کے ایک اخبار سے انٹرویو میں جیروسلو نے ہولوکاسٹ کیخلاف بیان پر حکومتی قانون سازی کو تنقید کا نشانہ بنایا تھا اور کہا تھا کہ حکومت کو چاہیے کہ وہ یہ بھی قانون بنائے کہ کمیونسٹ حکومت میں جن زمینوں پر قبضہ کیا گیا تھا انہیں اصل مالکوں کو لوٹایا جائے۔ اس بیان پر بھی حکومتی عہدیداروں میں ناراضی پائی گئی تھی کیونکہ قانون کے مطابق کمیونسٹ دورِ میں جن جائیدادوں پر قبضے ہوچکے ہیں انہیں واپس نہیں کیا جائے گا.
