غلاموں کی تجارت، معاوضے کے مطالبات سے برطانیہ پریشان

سموا : غلاموں کے تجارت کے معاوضے کی ادائیگی کے مطالبات نے برطانیہ کی قیادت کو مشکل میں ڈال دیا ہے۔ سموا میں دولت مشترکہ ممالک کے رہنماؤں کی کانفرس کے موقع پر غلاموں کی تجارت کا معاملہ زیربحث رہا۔ کانفرنس سے خطاب میں شاہ چارلس نے کہا ہےکہ ہم میں سے کوئی بھی ماضی کو نہیں بدل سکتا۔ لیکن اس سے درست سمت میں رہنمائی لی جاسکتی ہے۔ انہوں نے کہا کہ عدم مساوات کو دور کرنے کے لیے صحیح طریقے اور زبان کا استعمال کیا جانا چاہیے۔ انہوں نے کہا کہ وہ غلاموں کی تجارت میں اپنے خاندان کے روابط پر تحقیق کی حمایت کریں گے۔
وزیراعظم سرکئراسٹارمر نے اپنے خطاب میں کہا کہ ہماری مشترکہ تاریخ کو تسلیم کرنا چاہیے- خاص طور پر جب یہ مشکل ہو۔ انہوں نے کہا کہ وہ برطانیہ سے غلاموں کی تجارت کا معاوضہ دینے کے مطالبات کے احساس کی طاقت کو سمجھتے ہیں۔ انہوں نے کہا کہ یقیناً غلامی ہر ایک کے لیے قابل نفرت ہے لیکن ہمیں اب آگے بڑھنا چاہئے۔ اس سے پہلے چانسلر ریچل ریوز نےکہا تھا کہ برطانیہ ٹرانس اٹلانٹک غلاموں کی تجارت کیلئے معاوضہ ادا نہیں کرے گا۔ چانسلر نے کہا کہ وہ دولت مشترکہ کے رہنماؤں کے جذبے کو سمجھتی ہیں مگر یہ ایسی چیز نہیں ہے جس کا برطانیہ کی حکومت وعدہ کرے گی۔