Raza Musani 
بولیویا اسرائیل کے خلاف نسل کشی کے مقدمے میں باضابطہ شامل ہوگیا۔ جنوبی افریقا نے آئی سی جے میں اسرائیل پر غزہ جنگ میں نسل کشی کا مقدمہ کر رکھا ہے۔ عرب میڈیا کے مطابق 13 ممالک پہلے سے اسرائیل کے خلاف نسل کشی کے مقدمے میں شامل ہیں۔ ان ممالک میں ترکیہ، بیلجیم، فلسطین، آئرلینڈ، کولمبیا، لیبیا، اسپین، میکسیکو، نیدرلینڈز، مالدیپ، چلی، کیوبا اور نکاراگوا شامل ہیں۔ عرب میڈیا کے مطابق اب اس فہرست میں بولیویا کا بھی اضافہ ہوگیا ہے۔ بولیویا نے 2010ء سے فلسطین کو ایک ریاست کے طور پر تسلیم کر رکھا ہے۔ واضح رہے کہ جون 2024ء تک فلسطین کو اقوام متحدہ کے 193 رکن ممالک میں سے 146 نے ایک خودمختار ریاست کے طور پر تسلیم کیا ہے۔
