Raza Musani 
مظفرآباد : آزاد کشمیر کے وزیر اعظم تنویر الیاس کے حکم پر علامہ سید شہنشاہ حسین نقوی کے باغ میں داخلے پر پابندی کا نوٹیفیکیشن ختم کر دیا گیا۔وزیر اعظم تنویر الیاس نے علامہ سے معذرت کرتے ہوئے کہا کہ میں علامہ شہنشاہ حسین نقوی کا ذاتی طور پر بہت احترام کرتا ہوں وہ بہت بڑے عالم اور تمام مسالک میں مقبولیت رکھتے ہیں۔ انہوں نے ہمیشہ اتحاد بین المسلمین اور مسلم اُمّہ کی بات کی ہے. آزاد کشمیر انکا اپنا گھر ہے وہ جب بھی آزاد کشمیر آئیں میرے ذاتی مہمان ہوں گے میرے گھر رکیں گے۔ میں انکے لئے بہت احترام کا جذبہ رکھتا ہوں۔
