آیتاللہ خامنہ ای کا خطاب ہمت افزا ہے، فلسطینی تنظیمیں

سازباز کے عمل کا مستقبل تباہی و نابودی ہے ، خواب ہرگز پورا نہیں ہو گا
مقبوضہ بیت المقدس(نیوز ڈیسک) فلسطین کے اسلامی مزاحمتی گروہوں نے یوم قدس کے موقع پر ولی امر مسلمین آیت اللہ خامنہ ای کے خطاب کو آگے بڑھنے کے لئے ہمت افزا قرار دیا ، مزاحمتی کمیٹیوں کے ترجمان ابو مجاہد نے کہا کہ سازباز کے عمل کا مستقبل صرف تباہی و نابودی ہے اور استقامتی محاذ روز بروز مضبوط و مستحکم ہوتا جا رہا ہے ، عوامی محاذ برائے آزادی فلسطین کے ڈپٹی سیکریٹری جنرل ابو احمد فواد نے بھی کہا کہ آیت اللہ خامنہ ای کا موقف فلسطینی عوام کی خواہش کے عین مطابق ہے اور آپ نے عرب حکومتوں پر بھرپور طریقے سے تنقید کی اور کہا کہ غاصب صیہونی حکومت کے ساتھ تعلقات کی استواری اور سینچری ڈیل پر عملدرآمد کا خواب ہرگز پورا نہیں ہو گا۔