دوسرا انٹرو امریکی حملہ

بغداد(نیوز ڈیسک) امریکا نے داعش کو شکت دینے والی قوتوں کیخلاف براہ راست جنگ چھیڑ دی،کرکوک میں فوجی اڈے پر حملے کو جواز بناتے ہوئے امریکا نے حزب اللہ عراق کے ٹھکانوں پر وحشیانہ بمباری کی جس میں حزب اللہ عراق کے کئی جوان شہید اورزخمی ہوگئے،حزب اللہ عراق حشد الشعبی کا حصہ ہے جسے امریکا نے دہشت گرد تنظیم قرار دے رکھا ہے اور وہ ایرانی قدس فورس کو اس کا سرپرست قرار دیتا ہے، تفصیلات کے مطابق کرکوک میں امریکی فوجی اڈے پراکٹ حملہ کیا گیا جس میں ایک امریکی ٹھیکیدارہلاک اور متعددامریکی اور عراقی فوجی زخمی ہوگئے تھے، اس حملے کے بعد امریکا نے عراق میں حزب اللہ عراق کے ٹھکانوں پر فضائی حملے کئے، پینٹاگون کے مطابق 5ٹھکانوں کو نشانہ بنایا گیا، بمباری کے لیے امریکی ایف 15 طیاروں کا استعمال کیا گیا۔