علامہ طالب جوہری کے خطابات کوتمام مکاتب ِ فکر سراہتے تھے، حافظ ریاض نجفی

مرحوم کے انتقال سے بلا شبہ وہ علمی خلاءپیدا ہوا ہے جو مدتوں پُر نہ ہو سکے گا
لاہور ( پ ر ) رئیس الوفاق المدارس الشیعہ پاکستان آیت اللہ حافظ سید ریاض حسین نجفی نے برِ صغیرکی ممتاز علمی، دینی شخصیت،نامور خطیب،منفرد اسلوب کے مالک اہلِ قلم علامہ طالب جوہری کی وفات پر افسوس اور رنج و الم کا اظہار کرتے ہوئے کہا ہے کہ مرحوم عالم دین کی موت کی خبر دنیا بھر کے علمی و دینی حلقوں میں نہایت رنج و الم کے ساتھ سنی گئی،مرحوم طالب جوہری کے فرزند مولانا اسد جوہری کے نام تعزیتی مراسلے میں حافظ ریاض نجفی نے کہا کہ مرحوم طالب جوہری کی ذہانت، فطانت اور مﺅثر خطابت کا اعتراف عمومی و خصوصی حلقوں کے علاوہ تمام مسالک، اعلیٰ سرکاری حلقوں میں بھی کیا جاتا تھا،اُن کے تفسیرِ قرآن کے خطابات تمام مکاتب ِ فکرکے اہلِ علم سنتے اور سراہتے تھے حافظ ریاض نجفی نے کہا کہ علامہ طالب جوہری کے انتقال سے بلا شبہ وہ علمی خلاءپیدا ہوا ہے جو مدتوں پُر نہ ہو سکے گا۔