ایران اور امریکا کی سوئٹزرلینڈ کی میزبانی میں بڑی بیٹھک

تہران : ایران اور امریکا کے درمیان سوئٹزرلینڈ کے برگن اسٹاک ریزورٹ میں بڑی بیٹھک لگ گئی۔ پاکستان اور قطر نے مذاکرات میں بطور ثالث حصہ لیا۔ امریکا کے وفد کی قیادت نائب صدر جے ڈی وینس اور ایرانی وفد کی قیادت اسپیکر باقر قالیباف نے کی۔ ایرانی وزارتِ خارجہ کے ترجمان اسماعیل بقائی نے بتایا کہ یہ مذاکرات گزشتہ ہفتے ایران اور امریکا کے درمیان مفاہمتی یادداشت پر عمل درآمد کو آگے بڑھانے کے لیے منعقد کیے جا رہے ہیں۔ انہوں نے واضح کیا کہ فریقین معاہدے میں شامل نکات پر پیش رفت کا جائزہ لیا۔ مذاکرات سے پہلے پاکستانی وزیراعظم شہبازشریف اور فیلڈ مارشل عاصم منیر نے امریکی نائب صدر جے ڈی وینس سے ملاقات کی اور مذاکرات کے امور پر تبادلہ خیال کیا۔ پاکستانی وزیراعظم سے ایرانی وفد نے بھی ملاقات کی۔