غزہ پر صبح سے جاری حملوں میں مزید 54 فلسطینی شہید

غزہ: غزہ پر صبح سے جاری حملوں میں خواتین اور بچوں سمیت 54 فلسطینی شہید ہوگئے شہدا میں بائیس امداد کے متلاشی بھی شامل ہیں۔ صیہونی فوج نے غزہ سٹی سے انخلا کے حکم کے بعد گذشتہ روز شدید ترین حملے کئے ہیں۔ جنگی طیاروں اور ڈرونز نے غزہ سٹی میں جگہ جگہ بم برسائے اور میزائل داغے جبکہ توپ خانے سے بھی مکانات اور خیموں کو نشانہ بنایا گیا۔
دیر البلاح۔ الزیتون۔ خان یونس اور اطراف کے علاقوں میں خواتین اور بچوں سمیت درجنوں افراد شہید اور زخمی کردئے گئے۔ اسرائیلی حملوں سے تباہ عمارتوں کے ملبے سے چار لاشیں بھی ملی ہیں۔ بائیس ماہ سے جاری صیہونی حملوں میں شہدا کی مجموعی تعداد اکسٹھ ہزار آٹھ سو تک جاپہنچی ہے۔
ادھر بھوک کی شدت سے دو بچوں سمیت چار فلسطینی شہید ہوگئے۔ جس سے مجموعی تعداد دو سو انتالیس ہوگئی ہے جس میں ایک سو چھ بچے شامل ہیں۔