Raza Musani 
بغداد : عراقی انٹیلیجنس فورسز نے تین دہشتگردوں کو گرفتار کرلیا ہے جو حسینی مواکب کو نذرِ آتش کرنے اور اربعین کے دوران زائرین پر حملہ کرنے کی منصوبہ بندی کر رہے تھے۔ انکشاف کیا گیا ہے کہ بعث پارٹی کے ایک رکن کو کربلا میں اس وقت گرفتار کیا گیا جب وہ صدام حسین کی بیٹی رغد سے رابطے میں تھا۔ سیکیورٹی امور کے ماہر فاضل ابو رغیف نے اس آپریشن کی تفصیلات بتاتے ہوئے کہا کہ ’الون وولوز‘ گروہ جنوبی اور وسطی عراق کے مختلف شہروں میں سرگرم تھا۔ دہشت گردوں کا ہدف صرف جسمانی نقصان نہیں بلکہ نوجوانوں کے ذہنوں کو تکفیری نظریات سے متاثر کرنا بھی تھا۔
