Raza Musani 
غزہ: صیہونی فوج کے غزہ پر حملوں میں پانچ صحافیوں سمیت 29 فلسطینی شہید اور کئی زخمی ہوگئے۔ صیہونی فوج نے مغربی رفح میں فلسطینی پولیس کی گاڑی کو میزائل سے اڑادیا جس میں چھ اہلکار شہید ہوگئے۔ شمالی رفح میں گاڑی پر حملے میں ایک فلسطینی شہید ہوگیا۔ دیرالبلاح میں ایک بار پھر محفوظ علاقے پر بمباری کی گئی۔ شمالی اور جنوبی غزہ میں اسرائیلی فوج نے میزائل برسائے ہیں جس میں ایک ہی خاندان سات افراد سمیت پندرہ فلسطینی شہید ہوگئے۔البریج اور خان یونس پر بھی اسرائیلی فضائیہ نے متعدد حملے کیے ہیں جس میں کئی فلسطینی شہید اور زخمی ہوئے ہیں۔ نصیرات میں امجد جاہوجا، وفا ابو دذبان اور رزق ابو اشکیان جبکہ غزہ سٹی میں سعدی مدوخ اور احمد سکار نشانہ بنے۔ دو صحافیوں کا تعلق میڈیا پروڈکشن کمپنی ۔ دو کا فلسطین میڈیا ایجنسی اور ایک کا اسلامک یونیورسٹی ریڈیو سے ہے۔القدس اور القسام بریگیڈ نے صیہونی فوج پر شدید حملے کئے ہیں جس میں اسرائیلی فوج کو بھاری نقصان پہنچا ہے۔
