Raza Musani 
تہران: ایرانی ائیرپورٹس اینڈ ائیر نیویگیشن کمپنی کے سی ای او مرتضیٰ دہقان نے انکشاف کیا ہے کہ جنگ کے دوران ملک کے 27 ہوائی اڈوں کو مختلف نوعیت کے نقصانات کا سامنا کرنا پڑا۔ ان کا کہنا تھا کہ ہوائی اڈوں کی تعمیر نو کے لیے مالی وسائل حاصل کیے جا رہے ہیں اور اس بحالی کے عمل میں بین الاقوامی شہری ہوا بازی تنظیم کے جدید ترین معیارات اور آلات کا استعمال کیا جائے گا۔ مرتضیٰ دہقان نے بتایا کہ جنگ کے فوراً بعد یومیہ پروازوں کی تعداد 100 کے لگ بھگ تھی جو اب بڑھ کر 500 تک پہنچ گئی ہے جبکہ اس کے علاوہ تقریباً 100 ٹرانزٹ پروازیں بھی روزانہ آپریٹ ہو رہی ہیں۔
ان کا مزید کہنا تھا کہ مہرآباد ائیرپورٹ پر ایک لاکھ 20 ہزار مربع میٹر رقبے پر مشتمل نئے ٹرمینل کی تعمیر کے منصوبے پر کام جاری ہے جس میں 80 لاکھ سے ایک کروڑ مسافروں کو سنبھالنے کی گنجائش ہوگی۔
