یمن:ہادی حکومت اور انصار اللہ قیدیوں کے تبادلے پر متفق

معاہدے کے تحت پہلے مرحلے میں ایک ہزار 420 قیدیوں کو رہا کیا جائے گا
صنعا(نیوز ڈیسک) یمن میں ہادی حکومت اور حوثی ملیشیا کے درمیان اردن کی میزبانی میں جاری مذاکرات میں فریقین نے قیدیوں کے تبادلے پر اتفاق کرلیا، رہائی پانے والوں میں صدر عبد ربہ منصور ھادی کے بھائی میجر جنرل ناصر منصور ھادی بھی شامل ہوں گے، یمن میں اقوام متحدہ کے مندوب مارٹن گریفھیتس نے اعلان کیا تھا کہ اردن میں 7 روزہ ملاقاتوں کے بعد قیدیوں اور نظربندوں کے تبادلے پر رضامندی ظاہر کی گئی ہے،ہادی حکومت کے ایک عہدیدار مجید فضایل نے بتایا کہ حوثی ملیشیا کے ساتھ معاہدے کے تحت پہلے مرحلے میں ایک ہزار 420 قیدیوں کو رہا کیا جائے گا، پہلے مرحلے میں شامل افراد کی تعداد پر اتفاق کرنے کے بعد ناموں کی فہرستوں کا تبادلہ کیا جائے گا۔