کوروناویکسین کی غیرمنصفانہ تقسیم پر پوپ بھی برہم

حکومتیں ہتھیاروں کا پیسہ ویکسین کی تیاری اور تقسیم پر خرچ کریں،پوپ
ویٹی کن(نیوز ڈیسک)کیتھولک عیسائیوں کے مذہبی پیشوا پوپ فرانسس نے کورونا ویکسین کی منصفانہ تقسیم خاص طور پر غریب ملکوں کے درمیان ویکسین کی تقسیم کی ضرورت پر زور دیا ہے،ایسٹر پر اپنے خطاب میں پوپ فرانسس نے مختلف خطوں میں جاری مسلح جھڑپوں کی مذمت کی اور کہاکہ ملکوں کو فوجی ہتھیاروں پر بے تحاشا دولت خرچ کرنے کے بجائے، یہ پیسے کورونا کی ویکسین کی تیاری اور دنیا بھر میں اس کی تقسیم پر خرچ کرنے چاہیے ، پوری دنیا میں مافیاگروہ، اس وبا سے فائدہ اٹھانے کی کوشش کر رہے ہیں۔