پاکستان میں ہزاروں افغان باشندوں کے عارضی قیام کا فیصلہ

پاکستان میں ہزاروں افغان باشندوں کے عارضی قیام کا فیصل

کراچی: پاکستان میں ہزاروں افغانوں کو عارضی طور پر بسایا جائے گا، افغانوں کی آمد کے باعث اسلام آباد کے تمام ہوٹلز میں اگلے 21 روز تک بکنگ بند کردی گئی ہے جبکہ افغانوں کو اسلام آباد سے کراچی منتقل کرکے ایک ماہ تک رکھا جائے گا جس کے لیے مذکورہ افراد کو ایک ماہ کا ویزا جاری کیا جائے گا، ایک ماہ قیام کے بعد انہیں دوسرے ملکوں میں بھیج دیا جائے گا، افغانستان سے آنے والے غیر ملکیوں کو ایک خاص پلان کے تحت امریکا اور دیگر ممالک روانہ کیا جائے گا، افغانستان میں امریکی و اتحادی افواج کی معاونت کرنے والے افغانوں کی کراچی میں رہائش کا بندوبست حکومت سندھ کرے گی، افغانستان سے آنے والی پروازیں ملتان، فیصل آباد اور پشاور بھی لائی جائیں گی لیکن لاہور میں یہ سہولت فراہم کرنے سے معذرت کر لی گئی ہے، راولپنڈی میں 148 ہوٹلز اور 19 ہاسٹلز بھی غیر ملکیوں کے لیے مختص کردئیے گئے۔