پنجاب حکومت کی کفایت شعاری مہم، محکمہ خزانہ نے کفایت شعاری اقدامات کا نوٹیفکیشن جاری کر دیا۔ محکمہ خزانہ کے جاری کردہ نوٹیفیکیشن کے مطابق وزراء، اراکین اسمبلی اور بیوروکریٹس کے غیر ملکی دوروں پر پابندی عائد کی گئی ہے۔ افسران اور وزراء بیرون ملک علاج بھی نہیں کرا سکتے۔ نئی گاڑیوں کی خریداری پر پابندی لگا دی گئی ہے جبکہ نوٹیفکیشن کے مطابق دفاتر کیلئے نئے اے سی خریدنے پر بھی پابندی ہو گی۔ افسروں کو الاٹ شدہ سرکاری گھروں اوردفاتر کی تزئین و آرائش بھی نہیں کی جا سکے گی۔ محکمہ خزانہ نے آسامیوں کی اپ گریڈیشن کرنے پر بھی پابندی عائد کر دی ہے۔
