منشیات اسمگلنگ کیخلاف ایران کی پاکستان کو مشترکہ مشقوں کی پیشکش

غیر قانونی منشیات پاکستان، ایران اور دنیا کے لئے ایک چیلنج ہیں، شہریار خان آفریدی
اسلام آباد(نیوز ڈیسک) ایران کے سفیر سید محمد علی حسینی نے وزیر سیفران و انسداد منشیات شہریار خان آفریدی کے ساتھ ملاقات کی اور انہیں پیشکش کی کہ ایران پاکستان کے ساتھ مل کر منشیات کی ا سمگلنگ کے خاتمے کیلئے مشترکہ مشقوں اور تربیت کیلئے تیار ہے، اے این ایف اور ایران کی انسداد منشیات پولیس کو سونگھنے والے کتوں کے ساتھ مشترکہ مشقیں کرائی جاسکتی ہیں،شہریار آفریدی نے ایران کے سفیر کی پیشکش کا خیر مقدم کرتے ہوئے کہا ہے کہ غیر قانونی منشیات پاکستان، ایران اور دنیا کے لئے ایک چیلنج ہیں، وزیر اعظم عمران خان کے وژن کے تحت پاکستان مسلم امت کو متحد کرنے کے لئے کام کرتا رہے گا۔