ملک میں شیعہ سنی لڑائی ہے اور نہ ہونے دینگے،علامہ بشارت

حکومت کالعدم جماعتوں کی سرگرمیوں پرپابندی لگائے اور شکنجے میں جکڑے
اسلام آباد(نیوز ڈیسک) تحریک نفاذفقہ جعفریہ فیڈرل کیپیٹل اسلام آبادکے صدرعلامہ راجہ بشارت حسین امامی نے حکومت پاکستان پرزوردیاہے کہ وہ کالعدم جماعتوں کی سرگرمیوں پرپابندی لگائے اورانہیں آہنی شکنجے میں جکڑے ،وفاقی دارلحکومت سمیت مختلف مقامات پرگرفتارکئے گئے بے گناہ علما و ذاکرین کو فوری رہا کرکے بے بنیاد مقدمات واپس لئے جائیں ،،عزاداروں کو تنگ کرنے سے اجتناب کرتے ہوئے اپنا عقیدہ دوسروں پر مسلط کرنے کی کوشش بندکی جائے ، شیعہ کتب سے پابندی ہٹائی جائے ،اسلام آباد میں نیوز کانفرنس کے دوران انہوں نے مطالبہ کیا کہ شیڈول فور میں خانہ پری کیلئے شامل کئے گئے بے گناہ افراد کے نام خارج کئے جائیں ،نفرت کا کھیل کامیاب نہیں ہونے دیں گے، حکومت کالعدم جماعتوں کے پریشر سے نکلے،انہوں نے کہا کہ اگر مکتب تشیع کے ساتھ زیادتیوں کا سلسلہ نہ روکا گیا تو ہم آغا سید حامد علی شاہ موسوی سے پاکستان کی بنیادیں کھوکھلی کرنے کے اقدام کے خلاف لائحہ عمل دینے کی اپیل کریں گے اور پوری قوم ان کے ہرحکم پر نظریہ پاکستان کی بقا اور آئین کی روح بچانے کیلئے کسی قربانی سے دریغ نہیں کرے گی، علامہ امامی نے واضح کیاکہ پاکستان میں کوئی شیعہ سنی لڑائی نہیں اور نہ ہم ہونے دیں گے