قرآن ہر مصیبت ، بیماری کا علاج اور برکت و نجات کا ذریعہ ہے،حافظ ریاض نجفی

موت معاشرہ میں آ بادی کا توازن برقرار رکھتی ہے، خطبہ جمعہ
لاہور (پ ر ) وفاق المدارس الشیعہ پاکستان کے صدر حافظ سید ریاض حسین نجفی نے کہا ہے کہ ہر دور کی طرح آ ج بھی قرآن ہر مصیبت ، بیماری کا علاج اور برکت و نجات کا ذریعہ ہے، کاروبار شروع کرنے سے پہلے دکان، دفتر کی صفائی کے بعد قرآن کی تلاوت و دعا کو ترقی و برکات کا موجب بتایا گیا ہے، بیماری کی شفا بھی تلاوت سے ممکن ہے۔قرآن کی معجزاتی تاثیر کے کفار بھی انکار نہیں کر سکتے تھے ،جامع علی مسجد جامعتہ المنتظر میں خطبہ جمعہ دیتے ہوئے حافظ ریاض نجفی نے کہا کہ موت کی سختی ایک حقیقت ہے ، موت انسانی معاشرے میں آ بادی کا توازن برقرار رکھتی ہے ،اگر کسی کو بھی موت نہ آتی تو شاید زمین انسانوں کے لئے تنگ ہو جاتی،حافظ ریاض نجفی نے کہا کہ کافر چاہے انکار کریں مگر نظام کائنات اللہ کے دست قدرت میں ہے،رازق اورخالق وہی ہے حکومت دینے والا، واپس لینے والا بھی وہی ہے۔