فوجی حکام اسلحہ کمپنیوں کیلئے جنگ جاری رکھنا چاہتے ہیں(ٹرمپ کا اعتراف)

 پینٹاگون اسلحہ بنانے والی کمپنیوں کو نوازنے کے لیے دنیا بھر میں جنگیں کرتا ہے
واشنگٹن (نیوز ڈیسک) امریکی صدر ڈونلڈ ٹرمپ نے اپنے فوجی حکام کے سیاہ کرتوتوں کا پردہ چاک کردیا، وائٹ ہاوس میں میڈیا بریفنگ کے دوران کہا کہ پینٹاگون اسلحہ بنانے والی کمپنیوں کو نوازنے کے لیے دنیا بھر میں جنگیں کرتا ہے، محکمہ دفاع کے اعلیٰ عہدیدار اسلحہ کمپنیوں کی خوشی کیلئے جنگیں جاری رکھنا چاہتے ہیں،انہوں نے دعویٰ کیا کہ وہ جنگوں کے مخالف ہیں اس لئے وہ مجھے ناکام دیکھنا چاہتے ہیں، پینٹاگون حکام مجھ سے خوش نہیں، کیونکہ وہ جنگوں کے علاوہ کچھ نہیں کرتے،ان کی بڑی بڑی کمپنیاں ہیں جو بم بناتی ہیں، طیارے بناتی ہیں تاکہ سب خوش رہیں، انہوں نے امریکا کی جنگوں میں ہلاک فوجیوں کو ناکام قرار دیا، نومبر 2018 میں دورہ فرانس کے دوران امریکی صدر نے ہلاک اور پکڑے گئے امریکی فوجیوں کے لیے بھی انتہائی شدید الفاظ کا استعمال کیا تھا ، دورے کے دوران جب ٹرمپ سے امریکی فوجیوں کے قبرستان کے شیڈول دورے کا کہا گیا تو انہوں نے کہا کہ میں قبرستان کیوں جاوں؟ یہ ناکام لوگوں سے بھرا ہوا ہے ، ریٹائرڈ میجر جنرل پال ایٹن بھی شامل ہیں جنہوں نے کہا کہ ٹرمپ کئی مقامات پر فوجیوں کے لیے بدتہذیبی سے پیش آچکے ہیں۔