غزہ میں صیہونی حکومت کی حالیہ جنگ غیر منصفانہ تھی،قطر

 غزہ جنگ ایسی فوج کی غیر مساوی جنگ تھی جس کے پاس ایٹمی ہتھیار ہیں
دوحہ (نیوز ڈیسک) قطر نے غزہ میں صیہونی حکومت کی حالیہ جنگ کو غیر منصفانہ قرار دیتے ہوئے کہا ہے کہ اسرائیل ایک غاصب حکومت ہے جو بچوں اور بے گناہوں کو قتل کرتی ہے،قطر کی وزارت خارجہ کی ترجمان نے اسکائی نیوز سے گفتگو میں کہا کہ جو کچھ غزہ میں ہوا ہے وہ ایسی فوج کی غیر مساوی جنگ تھی جس کے پاس ایٹمی ہتھیار ہیں،ا نہوں نے شہید بچوں کی تصاویر دکھاتے ہوئے کہا کہ یہ بچے جو شہید ہوئے ہیں، فلسطینی ہیں اور حماس کے رکن نہیں تھے،انہوں نے اسرائیلی فوجیوں کے ہاتھوں ہلاک ایک امریکی کارکن کی تصاویر بھی دکھاتے ہوئے کہا کہ ایسا صرف فلسطینیوں کے ساتھ ہی نہیں ہو رہا ہے، کیا آپ کو امریکی کارکن رشل کیوری یاد ہیں جنہیں اسرائیلی فوجیوں نے 2003 میں ہلاک کر دیا تھا؟ وہ صحافیوں کا قتل عام کرتے ہیں تاکہ ان کی آواز کچل سکیں