Ilyas مظاہروں کے لیے شرعی، سماجی اور قانونی شرائط وضع کی جائیں گی
بغداد(نیوز ڈیسک) عراق میں الصدر گروپ کے سربراہ مقتدی الصدر نے متعدد منشوروں کا اعلان کردیا، مقتدی نے ان دستاویزات کو امن منشوروں کا مجموعہ قرار دیا ہے جن کا مقصد عراقیوں کے لیے امن کی بحالی، بیرونی مداخلتوں کا خاتمہ اور عراق کی رِٹ برقرار رکھنا ہے ٹویٹر پر جاری بیان میں مقتدی الصدر نے واضح کیا کہ پہلا منشور پر امن مظاہرے سے متعلق ہے جس میں احتجاجی مظاہروں کے لیے شرعی، سماجی اور قانونی شرائط وضع کی جائیں گی، دوسرے منشور میں عراقی مزاحمتی تحریکوں کو ناموری، مال اور سیاست سے دور رکھنے کی کوشش کی جائے گی، تیسرا منشور ایسی شرائط پر مشتمل ہے جن پر عمل کرنا سیاسی صورت حال کی اصلاح ، شفاف انتخابات کے ماحول کی تیاری اور سیاسی منظر نامے سے بدعنوان عناصر کو دور کرنے کے واسطے ناگزیر ہو گا الصدر نے باور کرایا کہ عراق میں مظاہروں کے دوران شاہراہ عام اور کھلے مقامات کو بند کرنے کی اجازت نہیں ہو گی، ان ضابطوں اور شرائط کی خلاف ورزی کرنے والے کو پیسوں کے عوض بیرونی ایجنڈوں پر عمل پیرا شمار کیا جائے گا
