صہیونی بستیاں:امریکا کی اقوام متحدہ کو کھلی دھمکی

اپنے تاجروں سے متعلق ا قوام متحدہ کی لاپرواہی برداشت نہیں، وزیر خارجہ
واشنگٹن (نیوزڈیسک) امریکی وزیر خارجہ مائیک پومپیو نے اقوام متحدہ کو دھمکی دی ہے کہ اس کی ہر ایسی کوشش کا جواب دیا جائے گا جس سے صہیونی بستیوں کی تعمیر میں مصروف امریکی کمپنیوں کو نقصان پہنچنے کا اندیشہ ہو،یہ دھمکی اقوام متحدہ کے سیکریٹری جنرل انتونیو گوتریس کے ساتھ ملاقات میں دی گئی، انہوں نے کہاکہ اپنی امریکی تاجر برادری کے حوالے سے اقوام متحدہ کی لاپرواہی کو ہرگز برداشت نہیں کریں گے،امریکی وزارت خارجہ کی ترجمان مورگن اورٹیگس نے بھی اسرائیل کے زیر قبضہ علاقوں میں کام کرنے والی امریکی کمپنیوں کی فہرست جاری کرنے پر کڑی نکتہ چینی کی ہے۔