صدر پاکستان ڈاکٹرعارف علوی کی زیر صدارت اجلاس میں پاکستان کے وفاقی وزیر داخلہ بریگیڈیئر (ر) اعجاز احمد شاہ، وزیر مذہبی امور پیر نورالحق قادری، علامہ راجہ ناصر عباس جعفری ،علامہ عارف واحدی، علامہ قمر حیدر زیدی، راجہ بشارت امامی اور علامہ سجاد حسین نقوی سمیت سیاسی اور مذھبی جماعتوں کے رہنماؤں اور علمائے کرام نے شرکت کی۔
اجلاس میں محرم الحرام کے دوران مجالس عزا اور ماتمی جلوسوں میں کورونا سے بچاؤ کے لئے احتیاطی تدابیر پر عملدرآمد کیلئے 20 نکاتی ایس او پیز پر اتفاق کیا گیا۔
محرم الحرام کے دوران علمائے کرام نے متفقہ طور پر عزاداری اور مجالس کے لیے درج ذیل ایس او پیز پر اتفاق کیا جس میں مجالس و عزاداری میں فاصلے کا خیال رکھا جائے گا، ماسک کے بغیر کسی کو داخلے کی اجازت نہیں ہوگی، جلوس میں ہینڈ سینیٹائزر کا استعمال اور پانی پینے اور پلانے کے لئے ڈسپوزل گلاس اور پلیٹس کا استعمال کیا جائے گا اور رضاکار اسکاوٹس کے ذریعے مجالس اور جلوس کے شرکاء سے ہدایات پر عمل درآمد کرایا جائے گا۔
