سینیٹ واسمبلی میں فرانس میں گستاخی کیخلاف مذمتی قراردادمنظور

ہنگامہ آرائی کے بعد قراردادپر اتفاق،فرانس سے سفیر واپس بلانے کا مطالبہ
 اسلام آباد(نیوز ڈیسک) قومی اسمبلی میں فرانس میں گستاخانہ خاکوں کی اشاعت کے خلاف قرارداد ہنگامہ آرائی اور شور شرابے کے بعد متفقہ طور پر منظور کرلی گئی ،وزیرخارجہ شاہ محمود قریشی نے فرانس میں گستاخانہ خاکوں کےخلاف حکومتی قرارداد پیش کی ، مسلم لیگ ن کے رہنما احسن اقبال کا کہنا تھاکہ دو حرفی بات ہونی چائیے تھی، توہین ہوئی ہے، ہم فرانس سے سفیر واپس بلارہے ہیں لیکن وزیر خارجہ نے یہاں مقالہ پڑھ دیا ۔اس موقع پر اسد عمرکاکہنا تھا کہ اگرہم اپنے پیغمبرکی حرمت کو اپنے جذبات پر ترجیح نہیں دے سکتے تو ڈوب مرنے کا مقام ہے وقفے کے بعد وزیر خارجہ شاہ محمود قریشی نے اپوزیشن اور حکومت کی جانب سے فرانس میں گستاخانہ خاکوں کی تشہیر کے بارے میں مشاورت سے تیارکیاگیا قرارداد کا مسودہ پیش کیا جسے اتفاق رائے سے منظور کر لیاگیا،قبل ازیں پاکستان کے ایوان بالا میں بھی فرانس میں گستاخانہ خاکوں کی اشاعت کے خلاف مذمتی قراداد متفقہ طور پر منظور کرلی گئی