سعود یہ سے مذاکرات کے نتائج کا انتظار کرنا ہوگا ،ایران

 سعودی عرب سے مذاکرات کے مقاصد باہمی اور علاقائی ہیں
 تہران (نیوز ڈیسک) ایرانی وزارت خارجہ نے سعودی عرب کے ساتھ مذاکرات کی تصدیق کر دی تاہم اس نے ان مذاکرات سے نتائج اخذ کرنے کو قبل از وقت قرار دیا ہے،ایرانی وزارت خارجہ کے ترجمان سعید خطیب زادہ نے کہا ہے کہ ان مذاکرات کے مقاصد باہمی اور علاقائی ہیں، ہمیں ان کے نتائج کے لیے انتظار کرنا ہو گا، ابھی ان مذاکرات کی تفصیلات کے بارے میں بات کرنا قبل از وقت ہو گا، سعید خطیب زادہ کے مطابق ایران ہر سطح پر کیے جانے والے مذاکرات کا خیر مقدم کرتا ہے ایران نے سعودی ولی عہد شہزادہ محمد بن سلمان کے اس بیان کا بھی خیر مقدم کیا تھا جس میں انہوں نے تہران کے ساتھ ایک ’بہتر اور خصوصی تعلق‘ کی خواہش ظاہر کی تھی۔