سب مل کر داعش کی لعنت کو جڑ سے اکھاڑ پھینکیں،ایران

 فرقہ وارانہ حملہ ہے، دہشت گرد کبھی اپنے مقصد تک نہیں پہنچیں گے
تہران (نیوز ڈیسک) ایران کے وزیر خارجہ نے اس بات پر زور دیا ہے کہ اب وہ وقت آگیا ہے کہ اسلام کے پیروکار، افغان بھائیوں کے قتل کے خاتمے میں کردار ادا کریں اور سب اکھٹے ہوکر داعش کی لعنت کو جڑ سے اکھاڑ پھینکیں ، ہم ان معصوم اور روزہ دار لڑکیوں کے جاں بحق ہونے پر پر سوگ مناتے ہیں جو داعش دہشت گرد گروہ کا شکار ہوگئے؛ وہ تکفیری عناصر جنہوں نے اسلام اور انسانیت سے اجنبی ہونے کا بخوبی اظہار کیا ، ایرانی محکمہ خارجہ کے ترجمان نے واقعہ کی مذمت کرتے ہوئے اسے فرقہ وارانہ حملہ قرار دیا اور کہا کہ دہشت گرد کبھی اپنے اس مقصد تک نہیں پہنچیں گے اور سیکورٹی ادارے اس حملے میں ملوث عناصر کو سزا دیں گے