سانحہ نارووال کے ذمہ داروں کیخلاف کارروائی پر زور

 ملت جعفریہ سڑکوں پر نکلی تو حکومت مشکل میں پڑجائے گی،ایم ڈبلیو ایم
 لاہور (نیوز ڈیسک) مرکزی ڈپٹی سیکریٹری جنرل مجلس وحدت مسلمین علامہ سید احمد اقبال رضوی نے نارووال کے محلہ محمد پورہ میں چادر اور چاردیواری کا تقدس پامال کرنے والوں کے خلاف کارروائی کا مطالبہ کردیا، صوبائی سیکریٹریٹ لاہور میں پریس کانفرنس سے خطاب کرتے ہوئے علامہ احمد اقبال رضوی نے کہاکہ انکوائری رپورٹ میں ڈی ایس پی نے واقعہ کا ذمہ دار ایس ایچ او کو قرار دیا ہے لیکن اب تک کوئی کارروائی نہیں کی گئی،ہمارا مطالبہ ہے کہ فی الفور ڈی پی او نارووال ، ایس ایچ او ریاض تاثیر چیمہ اور دیگر اہلکاروں کو معطل کرکے ان کیخلاف قانونی کارروائی عمل میں لائی جائے ، اگر ملت جعفریہ بھی سڑکوں پر نکل آئی تو حکومت کو کڑے وقت کا سامنا کرنا پڑے گا،، اگر عزاداروں کیخلاف پنجاب بھر میں درج کئے گئے مقدمات ختم نہ کئے گئے تو پھر ملت جعفریہ پاکستان بھی سڑکوں پر ہوگی، یہ مقدمات غیر قانونی اور پ ±رامن شہریوں پر ظلم کے مترادف ہیں۔