سانحہ مچھ کی ویڈیو جاری، داعش کامزید کارروائیوں کا اعلان

ویڈیو بڑی جنگوں کے کھلاڑی کے نام سے جاری، نام نہاد صوبہ پاکستان کا ذکر
کراچی(نیوز ڈیسک) عالمی دہشت گرد تنظیم داعش نے سانحہ مچھ کے قتل عام کی ویڈیو جاری کرکے پاکستان میں مزید کارروائیوں کا اعلان کردیا، داعش نے نام نہاد پاکستان صوبہ کے نام سے ویڈیو جاری کی ہے جس میں جنوری میں ہزارہ برادری پر کیے گئے حملے کا ذکر کیا گیا ہے،9 منٹ 18 سیکنڈز کی اس ویڈیو کا عنوان بڑی جنگوں کے کھلاڑی رکھا گیا ہے اور اسے 19 مارچ کو ٹیلی گرام پر جاری کیا گیا، ویڈیو میں ایک نقاب پوش دہشت گردہزارہ برادری کے کان کنوں کو پکڑنے اور ان کے گلے کاٹنے کا ذکر کرتا ہے، سانحہ مچھ میں 10 شیعہ ہزارہ کان کنوں کو داعش نے بےدردی سے پس پشت ہاتھ باندھ کر ذبح کرکے بےدردی سے شہید کیا تھا اور بعد ازاں ایک ٹوئٹر پیغام میں اس کی ذمہ داری قبول بھی کی تھی۔