Raza Musani 
کوئٹہ : بلوچستان عوامی پارٹی کے میرعبدالقدوس بزنجو بلامقابلہ وزیراعلیٰ منتخب ہوگئے۔ صوبائی اسمبلی کا اجلاس اسپیکر سردار بابر خان موسی خیل کی زیر صدارت ہوا جس میں وزیراعلیٰ کے انتخاب کے لیے ووٹنگ ہوئی۔ اسپیکر سردار بابر موسی خیل نے ووٹنگ کا عمل مکمل ہوجانے کے بعد میر عبدالقدوس بزنجو کے بلامقابلہ وزیراعلی منتخب ہونے کا اعلان کیا۔ انہیں 39 اراکین کے ووٹ ملے جس کے بعد عبدالقدوس بزنجو نے بلوچستان اسمبلی میں قائد ایوان کی نشست سنبھال لی۔ اس سے قبل کوئٹہ میں بلوچستان اسمبلی کا اجلاس سوا گھنٹے کی تاخیر سے شروع ہوا، وزارت اعلیٰ کے تنہا امیدوار میرعبدالقدوس بزنجو اور بیشتر اراکین ایوان میں موجود تھے جبکہ قائد حزب اختلاف ملک سکندر ایڈووکیٹ سمیت دیگر اپوزیشن اراکین ایوان نہیں پہنچے۔
